lentillak
Lentillak erabiltzea egun osoan zehar ikusmen bikaina lortzeko aukera erraza, erosoa eta segurua da. Lentillak zure lehentasunen arabera aldatzeko aukera ugari daude, eta honako abantaila hauez dauzkate:
- Ikusmen garbia eta argia, argitasun gutxirekin ere.
- Betaurrekoekin batzuetan ikusi daitezkeen islak edo irudien distortsioa saihesten dira.
- Zure bizimodura azkar moldatzen dira, kirolak egiteko, gauez ateratzeko, telebista ikusteko, eta abarrerako erabili ditzakezulako.
- Eguneroko lentillak: noizean behin erabiltzeko diseinatuak (esate baterako kirola egiteko edo asteburuetarako); edo alergiaren bat baduzu erabiltzeko egokiak direnak. Hauen abantaila nagusia mantentze-soluziorik behar ez dutela da, behin erabiltzeko eginda daudelako.
- Hilabeteko lentillak: Sarritan erabiltzeko eginak. Hilabete bat irauten dute eta mantentze-lana behar dute.
- Miopiarako lentillak: dioptria negatiboko lentilla esferikoak dira, urrun dauden objektuak argi ikusten laguntzen dizutenak.
- Hipermetropiarako lentillak: dioptria positiboko lentilla esferikoak dira, urruneko objektuak distortsionatu gabe hurbil dauden gauzak argi ikusten laguntzen dizutenak.
- Astigmatismorako lentillak: forma geometriko bereziko lentilla torikoak dira, ikusmen-gaixotasuna zuzentzeko eta distantzia guztietan ikusmen argia eskaintzeko eginak.
- Presbizia edo ikusmen nekaturako lentillak: 45 urte baino gehiago dituzu eta urrunetik zein hurbiletik ondo ikusteko graduazio ezberdinak behar badituzu, lentilla multifokalak edo multifoku-lentillak erabili ditzakezu.
Silikona-hidrogelezko lentillak teknologia aurreratuko lenteak dira, euren oxigenorekiko iragazkortasun eta hezetzeko gaitasun handiari esker oxigeno kopuru handia pasatzen uzten dutelako. Material arruntekin egindako beste lentillekin konparatuta, askoz erosoagoak dira.
Nola jartzen dira lentillak?
- Garbitu eskuak: Lentillak maneiatzerakoan higiene ona mantentzea oso garrantzitsua da, horrela lentillak zikinkeriarekin kontaminatzea saihestuko duzulako.
- Bereizi ezkerreko eta eskuineko lentillen artean beti, eta ez itzazu inoiz trukatu.
- Jarri lentilla hatz erakuslearen ermamian eta egin tira beheko betazaletik beherantz hatz luzearekin. Libre dagoen beste eskuarekin igo goiko betazala. Orain bai, sartu lentilla begian eta askatu emeki bi betazalak. Segundo eta kliska batzuen ondoren, lentilla zure begian ondo kokatuta egongo da.
Nola kentzen dira lentillak?
- Lentillak kentzeko eskuek berriro garbi izan behar dituzu, begia eta lentillak berriz maneiatuko dituzulako.
- Esku batekin, igo goiko betazala. Libre dagoen beste eskuko hatz luzearekin irristatu lentilla beherantz, eta hatz erakuslea eta erpurua lentillaren ertzetan kokatuz, egin tira emeki.
Lentillei buruzko hainbat mito
Ez, ezinezkoa da. Begien atal zuria gaineztatzen duen mintz bat dago, konjuntiba izenekoa eta hori gertatzea ekiditen duena.
Gaur egungo lentilla bigunekin hori nekez gertatzen da.
- Garbitu eskuak ur eta xaboiarekin lentillak ukitu baino lehen.
- Erabili lentilletarako garbiketa-soluzio dosi berria lentillak jarriko dituzun une bakoitzean. (Eguneroko lentillen kasuan izan ezik).
- Ez erabili inoiz txorrotako ura, ur esterilizatua, listua, gatz soluzioa edo hezetzeko kolirioa. Aipatutako produktuek ez dituzte lentillak ondo desinfektatzen edo garbitzen.
- Garbitu lentillen kutxatila soluzio garbiarekin eta utzi ezazu etzanda eta irekita lehortu dadin.
- Ez garbitu kutxatila urarekin, zikinkeriak edo mikroorganismoak eduki ditzakeelako. Bestalde, saihestu kutxatila komunetik edo hezeak diren lekuetatik hurbil uzten, lizuna eta germenak egon daitezkeelako.
Kontuan izan material motaren arabera garbiketa eta mantentze-lana ezberdinak izan daitezkeela. Ziurtatzeko, jarraitu optikari-optometristak emandako argibideak.
- Errespetatu aldaketa mota eta adierazitako erabilera.
- Mantendu beti higiene ona lentillak maneiatzerakoan.
- Jarraitu optikariak adierazitako garbiketa-argibideak.
- Egiaztatu beti lentillen egoera begietan jarri baino lehen; horrela, egoera onean daudela ziurtatuko duzu.
- Ez trukatu inoiz ezkerreko eta eskuineko lentillak haien artean.
- Ziurtatu lentilla zuzen dagoela (kaiku formarekin).
- Mantendu kutxatila garbi.
- Ez egin lo inoiz lentillak jarrita dituzunean.